Тыва дыл хүнүнде «Чаңгы ынакшыл» деп шиини бараалгадыр
Тыва дыл хүнүнде «Чаңгы ынакшыл» деп шиини бараалгадыр 2016 чылдан эгелеп, ноябрь айның бир дугаар хүнүн бистиң республикавыста тыва дыл хүнү кылдыр доктааткан. Ук байырлалга Тываның Виктор Көк-оол аттыг национал хөгжүм-шии театры «Чаңгы ынакшыл» деп чаа мюзиклди тураскаадып, чонга ойнап көргүзер.🎶 Тыва дыл – поэзияның дылы. Шүлүк хевиринге ооң хүн-бүрүде дыңналбас бедик стильдиг шынары, деңнеп болбас уран-чечени, байлак курлавыры болгаш каас-чаражы илереп кээр. 💙Шүлүк аянынга Кара биле Седиптиң өндүр-чаагай ынакшылын Тываның улустуң чогаалчызы Эдуард Мижит шуткуп, шии кылдыр чаяап каарга, хөгжүм-шии театрының сценазынга ук чогаал кайгамчык чараш мюзикл кылдыр төрүттүнген. Ноябрь 1-де 18:00 шакта тыва дылдың ындынныг чараш аялгазын «Чаңгы ынакшыл» деп шииге магадап дыңнаңар! 🎟️ Билеттерни театрның кассазындан азы дараазында ссылка-биле садып ап болур: https://theatre-tuva.ru/afisha/