Буряад хэлэнэй hайндэр ээлжээтэ еhоороо намарай дунда hарын буурантаhан 23-ай үдэшэ түр...
Буряад хэлэнэй hайндэр ээлжээтэ еhоороо намарай дунда hарын буурантаhан 23-ай үдэшэ түрэл театрай ордондо үндэhэн мэдэрэлдээ үнэн мээхэй эдэбхитэдые суглуулжа, үргэн дэлистэйгээр үнгэргэгдэбэ. Улас түрын түрүүшүүл тайзанhаа гүрэнэй буряад хэлэеэ hэргээн сахиха hайндэрөөр угсаатанаа амаршалжа, урма түрүүлhэн дулаан үгэнүүдые зорюулаа. Буряад хэлэнэй габшагай hарын дүн согсолhон баярта 2017 онhоо таhалгаряагүй арад түмэндөө буряадаараа хандадаг Арадай Хуралай Түрүүлэгшэ Владимир Павлов энэшье удаа бусадтаа жэшээ болон, жэнхэни буряадаараа амаршалан, олоной альга ташалгаар угтан абтаа. - Элинсэг хулинсагуудайнгаа хэдэн үе сахижа ябаhан түрэл хэлэеэ хүндэлжэ, гол шухала ажабайдалдаа хэрэглэхын аша туhада Буряад Уласай дэбисхэртэ ехэ ажал ябуулагдана. Гүрэнэй программанууд хүдэлнэ. Үнэхөөрөө, hүүлэй жэлнүүдтэ хэгдэжэ байгаа үйлэ хэрэгүүд харагдана. Илангаяа Буряадай Толгойлогшо Алексей Цыденов аргагүй ехэ хубитаяа оруулна, - гээд Владимир Павлов тэмдэглээ hural-buryatia.ru/news/detai...