22-тӥ куартолэзе юбилейзэ пусъе Татарстан Элькунысь Нырья черкогуртысь М.П. Прокопьев н... — 22 мая 2026 г. в 10:09:07.423
22-тӥ куартолэзе юбилейзэ пусъе Татарстан Элькунысь Нырья черкогуртысь М.П. Прокопьев нимо школалэн кивалтӥсез Николай Николаевич Данилов. 2022-тӥ арысен Николай Николаевичлэн кивалтэмез улсын Нырья черкогуртысь школа институтлэн одӥгез инновационной площадкаез луэ. Та дыр ӵоже: – школаын 3 пол радъяськиз ини «Прокопьевской лыдӟонъёс» улоскуспо конференция. 2024-тӥ арын ужрад кык нунал ӵоже ужаз, пленарной люкетэз радъяськиз Удмурт Элькунлэн Кун Кенешаз. Отын Николай Николаевич но школаысь дышетскись пленарной докладъёсын вераськизы. – нылпи садысь покчиос но школаын дышетскисьёс мыло-кыдо пырисько институтэн ортчытӥськись ужрадъёсы. Валтӥсьёсыз пӧлын «Покчи тодосчи: Герои живут среди нас» форум но, кудаз арысь аре нылпиос вормисе пото. – инновационной площадка луыса, институтысь ӧнерчиосын кылдытӥськись дидактической материалъёсты удмурт кылъя но литературая урокъёсын яке внеурочной ужпӧрын эскеро, пайдалыко дэмланъёсты сёто. Гажано Николай Николаевич, Тӥледыз вордӥськем нуналэныды ӟечкыласькомы! Сӥзиськомы шудбур но тазалык, тыр улон но удалтон. Вӧзады котьку мед луозы матысь адямиосты, оскымон юрттӥсьёсты но эшъёсты! Валче ужаммы азинлыко мед луоз. (Туспуктэмъёс басьтэмын Институтлэн архивысьтыз)