Тунсыко, яркыт но жингрес ортчиз Удмурт Элькунысь Дышетон удысысь йӧскалык ужпумъёсты э... — 22 мая 2026 г. в 04:22:21.769
Тунсыко, яркыт но жингрес ортчиз Удмурт Элькунысь Дышетон удысысь йӧскалык ужпумъёсты эскеронъя тодос институтысь ӧнерчиослэн Удмурт Элькунысь фольклор кырӟанъя но эктонъя «Айкай» фольклор театрен пумиськонзы. Театрлэн кивалтӥсез Петр Павлович Данилов ӧтемъя, институт пыриськиз «Шудэн шудон. Игра в счастье» проектлэн одӥгаз концерт-лекцияз. ✅ «Шудэн шудон. Игра в счастье» – со школаын дышетскисьёсты, студентъёсты но дышетӥсьёсты удмурт калыклэн материальной но духовной кылёсбуреныз, сям-йылолъёсынызы тодматыны чаклам интерактивной кабен пумиськон. Проект Росси Федерациын 197 куриськон пӧлысь 16 устоосыз пӧлы пыремын. Быдэстӥське Россиысь лулчеберетъя министерстволэн грантэз юрттэмен. Пумиськонын пыр-поч валэктӥзы удмуртъёслэсь сям-йылолъёссылэсь аспӧртэмлыкъёссэс, калык крезьгур инструментъёслэсь шудон амалъёссэс, калык дӥськут кылдытон ужез. Мастер-классъёсын тае ваньзэ ас вылад ӧскалтыны луонлык но вал. Институтлэн кивалтӥсез Надежда Ивановна Ураськина «Айкай» театрысь коллективлы таӵе узыр программаен тодматэмзы понна тау карон кылъёссэ вераз. Со проектлэсь чеберлыксэ но пур пуштросъем луэмзэ пусйиз: «Ӵектос будӥсь пиналъёсты лулчеберет удысысь ӧнеръёсын умой тодматэ, бордазы синмаськытэ. Со сяна, проект внеурочной ужпӧрын нылпиосты калык лулчебреретэн тодматыны умой амал луэ». 📗 Ватсалом на, нылпиос «Айкай» фольклор театрен тодматско удмурт кылъя урокъёсын но. Соос сярысь ивортодэт пыртэмын удмурт кылэз тодӥсьтэм дышетскисьёслы чаклам «Удмурт кыл» учебниклэн пуштросаз. Подробнее: https://vk.com/udmniino?w=wall-114205860_4544