Муус устар 8 күнүгэр Бэрдьигэстээххэ Дьокуускай куораттан Суол быраабылатын оҕолорго ү...
Муус устар 8 күнүгэр Бэрдьигэстээххэ Дьокуускай куораттан Суол быраабылатын оҕолорго үөрэтэр курс буолан ааста. Сүрүн сыаллара — оҕо суолга бэйэтин харыстана үөрэнэрэ, светофор бэлиэлэрин билэрэ уонна массыына сырыытын дьайыытын өйдүүрүн ситиһии буолар Оҕону суол быраабылатыгар үөрэтии иитээччи эрэ үлэтэ буолбатах , бу төрөппүт оҕотугар куттал суоһаабатын диэн саамай тутаах иитиитэ буолар. Детсадпыт иһигэр "Суол грамотата" диэн проект үлэлиир. Оҕону сэрэхтээх буолууга, ыксаллаах-кутталлаах түгэннэргэ уолуйан хаалбакка суолга сэрэхтээх буолуу быраабылаларын кыра сааһыттан маннык өйдөбүллэри иҥэриниэхтээх диэн үөрэтэбит: Светофор бэлиэлэрэ: Кыһыл уокка — тохтуубут, араҕас уокка — кэтэһэбит, от күөх уокка — суолу туоруубут. Суолу туорааһын: Суолу анал бэлиэлээх («зебра») эрэ сиринэн туоруур ордук. Туоруур иннинэ бастаан хаҥас, онтон уҥа өттүбүтүн көрүөхтээхпит. Тротуар уонна суол: Сатыы киһи тротуарынан эрэ хаамсыахтаах, оттон массыына сылдьар суолугар оонньуур төрүт бобуллар. Бэлисипиэт уонна самокат: Суолу туоруурга бэлисипиэттэн эбэтэр самокатттан түһэн, сиэтэн туоруур ирдэнэр. Хаһыс да выпуск агитбригада "Дорожная грамота" диэн проекка кыттар . Суол бэлиэлээх футболкалары кэтэн тугу билбиттэрин атын оҕолорго, улахан да дьоӈӈо кэпсээн, хоһоон этэллэр. Куораттан чугас олорорбутунан , оҕо бары да кэриэтэ айанныыр . Барар - кэлэр оҕолорго куорат суол бэлиэлэрин үөрэтэ сылдьалларын сүбэлиибит. Проект автора Кудаисова А. К.