"Хомуур күрэх" («Быстрый кубик) бэлэмнэнии бөлөх оҕолоругар көхтөөх уонна хамсаныылаах ... — 21 апреля 2026 г. в 08:35:46.537
"Хомуур күрэх" («Быстрый кубик) бэлэмнэнии бөлөх оҕолоругар көхтөөх уонна хамсаныылаах оонньуу буолан ааста . Бу оонньуу кэнники кэмҥэ Саха сиригэр киэӈник тарҕанна. Ол курдук биһиги нэһилиэкпит бу көрүӈӈэ республикаҕа бастыӈнар ааттарыгар сылдьар . Биир бастыӈ оонньооччуну Нина Васильевна Максимованы кэпсэтэн, оҕолорбутугар быраабыланы уонна хайдах оонньонорун хаста да кэлэн көрдөрбүтэ, оонньоппута. Уонна бүгүн күрэх судьята буолла. Түмүгэр тупсубуттарын бэлиэтээтэ. Төрдө: Бу оонньуу оҕо быһыйын-таһаатын, түргэн туттуутун, сымсатын уонна болҕомтотун сайыннарарга туһуланар. Быраабылата: Оҕолор 2х2 миэтэрэ иэннээх былаһаакка ортотугар турар корзинаҕа кубиктары төһө кыалларынан түргэнник хомуйан кутуохтаахтар. Түмүккэ 1 м Изамира Афанасьева 2 м Снежана Куприянова 3. Дарина Павлова Уолаттарга 1 м Арылхан Контоев 2 м Сахамин Ковлеков 3 м Дархан Никаноров Нина Васильевна илии тутуурдаах оҕолорго минньигэс кэһиилээх уонна Сыалы сөпкө табарга оҕолорбутугар анаан баннер оӈотторбут . Наһаа үөрдүбүт уонна махтанныбыт .