Ханнык баҕарар ыал оҕотун бастакы кылааска бэлэмнээн, тэрийэн ыытара долгутуулаах түгэн... — 17 апреля 2026 г. в 11:36:41.728
Ханнык баҕарар ыал оҕотун бастакы кылааска бэлэмнээн, тэрийэн ыытара долгутуулаах түгэн..."Туллукчаана" о.с.к. "Оскуола кэрэкэ кэмнэрин ой дуораана" хаһыат оҥоруутугар уонна сайыннарар, бэлэмниир эйгэ тэрийиитигэр көрүү- күрэх түмүктэннэ. Биэс дьиэ кэргэн санааларын ууран, оҕолоругар оскуола олоҕун кэпсиир, сырдатар, умсугутар, уйулҕа өттүнэн бэлэмниир хаһыаттары оҥорбуттар- убаайдар'эдьиийдэр, төрөппүттэр баҕа санааларын сурукка тиһэн, бэйэлэрин оскуола кэминээҕи түгэннэри кэрэһэлиир хаартысканан сэһэннэрэ бу кэтэһиилээх'күүтүүлээх кэми кырачааннарыгар истиҥник' иһирэхтик тиэрдэргэ кыһаллыбыттара көстөр. Дьиэҕэ оскуола эйгэтин тэрийиигэ, сибиэһэй салгынын киллэриигэ өссө да ситэрэллэр, оҥороллор, сүбэлэһэллэр...Дьүүллүүр сүбэҕэ оҕолорбут бастакы учууталлара, Одуну аҕаларын түмсүүтүттэн, "Туллукчаанаттан" үлэлээтилэр. Атын дьиэ кэргэттэр холобур ылан, оскуола ой дуораанын алаһа дьиэлэригэр, оҕолоругар эмиэ тиэрдиэхтэрэ, олохтуохтара диэн эрэнэллэрин биллэрдилэр. Бастыҥнарынан ааттаатыбыт - Павловтар (Дарина), Никаноровтар (Дархан), Тимофеевтар ( Ева) дьиэ кэргэттэрин. Бука бары кыттыбыт' кыһаллыбыт дьиэ кэргэттэргэ ис сүрэхтэн бэйэлэрин бэлэх сертификаттарын аныыллар үтүө санаалаах спонсордар- "Южнай" маҕаһыын( Жирковтар), "Үрдэл" маҕаһыын ( Сидоровтар), "Байҕал" маркет (Контоевтар), "Домашняя кухня", "Традиция" кафелар (Даниловтар). Тэрийээччилэр ааттарыттан спонсордарбытыгар Махтал❤️түбүктээх үлэҕит санааны көтөҕөр түмүктээх буоллун, Табыллыы тосхойо турдун. Оскуола боруогун саҥа атыллыыр оҕолоох дьиэ кэргэттэр бары иллээх- эйэлээх, сыаллаах- соруктаах буолуҥ, оскуола кэрэкэ кэмнэрин ой дуораана үөрүүлээх, дьоллоох түгэннэринэн симэннин... "Далаһа" пресс киин. Одуну. "Туллукчаана".