Уһугун, уһугун, уһуктан кэлиҥ,
Уһугун, уһугун, уһуктан кэлиҥ, Уйгулаах олохпут тыллан таҕыстын! Алааспыт иччитэ айхаллыы көрсөн, Аар айылҕабыт алгыһын түстэ! диэн девиһинэн муус устар 16 күнүгэр оскуолаҕа киириэн иннинээҕи саастаах оҕолорго улуустааҕы духуобунас, сиэр – майгы иитиитигэр көрүү ыытылынна. Улуустан дьүүллүүр сүбэ «Кырачаан ымыылар» уһуйаан музыкальнай салайааччыта Василина Васильевна Черепанова кэлэн сыаналаата, көрдө. Василина Васильевна бастаан детсаппытын көрдө, бөлөхтөр үлэлэрин билистэ, эйгэлэрин сыаналаата, оҕолору кытта кэпсэттэ, саҥа сонун идеялары бэлиэтээтэ. Бүгүҥҥү композициябыт бастакы чааһыгар иккис сылын ыытыллар линейкаттан саҕаланна. Бүгүҥҥү линейкаҕа «Терпсихора» аан дойдутааҕы үҥкүү күрэҕэр ситиһиилээхтик кыттыбыт кырачаан үҥкүүһүттэрбитин бэлиэтээтибит. Бу кэннэ оҕолорбут блокфлейтаҕа оонньоон, сахалыы хоһоон ааҕан, сахалыы, нууччалыы ырыа ыллаан, чабырҕахтаан, кырачаан кыргыттар муода көрдөрдүлэр. Духуобунас, сиэр – майгы иитиитигэр көрүү ирдэбилинэн барытын толордулар, тириэртилэр. Оҕону сиэр - майгы, духуобунай иитии төрөөбүт тылын билиигэ, олорор сирин ытыктабылыгар, омугун сиэрин тутуһууга, культуратын билиигэ, баар дии саныыбыт.