Хас биирдии төрөппүт доруобуйаларынан хааччахтаах оҕотун туһугар өрүү кыһаллар. Оҕото ...
Хас биирдии төрөппүт доруобуйаларынан хааччахтаах оҕотун туһугар өрүү кыһаллар. Оҕото саастыылаахтарын кытта тэҥҥэ сайдан бииргэ сылдьарын туһугар туруулаһар, доруобуйата тупсарыгар улахан болҕомто уурар. Оҕо кыра эрдэҕинэ толору эмтэниини, реабилитацияны таба тайанан бардаҕына тута сайдыан сөп. Бу бириэмэни кэми куоттарбакка төрөппүт кыһаллан болҕомтоҕо ылыан наада. «Кырачаан ымыылар» уһуйаан иһинэн тэриллибит ресурснай киин оҕолорго, төрөппүттэргэ улахан көмөлөөх, биһиги оҕолорбут буор босхо Дьокуускайга реабилитация баран кэлэллэр. Ол курдук биһиги уһуйаантан Ноговицын Добун бу күннэргэ реабилитационнай кииҥҥэ толору доруобуйатын көннөрүнэ, дьарыктана сылдьар. Бу күннэргэ Добун эбээтин Оксана Степановнаны кытта кэпсэтэн хайдах ,туох реабилитация бара сылдьалларын билистим. Добун араас хайысхалаах дьарыктары бара сылдьар эбит. Үлэһиттэр, педагогтар сыһыаннара уонна астара олох үчүгэй диэн эбээ хайгыыр. Уол ЛФК ны сөбүлээбит, АлМаг -ка сытарын ордорбут. Бастаан арылдьыйара элбэх эбит, билигин педагогтартан хайҕанар буолла диэн астынан сэһэргиир. Сиэнэ реабилитационнай кииҥҥэ сылдьара олус туһалааҕын Оксана Степановна бэлиэтээбит уонна өссө да элбэхтик маннык кииннэргэ сылдьара буоллар олох тупсуо эбит диэн үөрэ-көтө кэпсээтэ.