Ытыктабыллаах коллегалар, төрөппүттэр уонна ыалдьыттар!
Ытыктабыллаах коллегалар, төрөппүттэр уонна ыалдьыттар! Бүгүҥҥү "Саха Айыы оҕото" авторскай программанан оҕону кэрэҕэ, ойуулуур-дьүһүннүүр сатабыл хайысхатынан сайыннарыыбыт уопутугар олоҕуран ыытыллыбыт семинарбыт этэҥҥэ, үрдүк таһаарыылаахтык буолан ааста диэн улахан үөрүүбүтүнэн иһитиннэрэбит! Биһиги, "Кустук" уһуйаан коллектива, оҕолорбут айар дьоҕурдарын арыйыыга, сахалыы сиэрдэх иитиини, духуобунаһы иҥэриигэ дьулуһарбытын эһигиттэн билиибитин үллэстэн, саҥа өйүктэри ылынан өссө күүһүрдүбүт. Ытыктабыллаах ыалдьыттарбытыгар – кэлэн кыттыбыккытыгар, кэрэхсэбиллээх сүбэлэргит иһин, семинарбытын киэргэппиккитигэр истиҥник махтанабыт! Эһигиттэн элбэҕи биллибит уонна үлэлээх опыткытыттан үөрэннибит. Күндү төрөппүттэрбитигэр – оҕолоргутун өйөөн, бииргэ үлэлэһэн, "Кустук муода" көрдөрүүгэ,олоҥхо туруоруутугар суду куус буолбуккутугар, кырыымпа маастар-кылааһы көрдрөрбүт үөрэппит Ульяна Александровнаҕа барҕа махталбытын тиэрдэбит. Эһиги көмөҕүтүнэн оҕолорбут талааннара чаҕылхайдык арыллар. Кэлэр кэскилбит – оҕолорбут – айар куттаах, кэрэни кэрэхсиир, духуобунай өттүнэн сайдыылаах дьон буола улааталларыгар биһиги бары бииргэ үлэлиэхпит! Эһиги барыгытыгар барҕа махтал уонна кэлэр үлэҕитигэр үрдүк ситиһиилэри баҕарабыт!