#КЭРЭ_ЭЙГЭ — 17 апреля 2026 г. в 11:06:47.393
#КЭРЭ_ЭЙГЭ Муус устар 16 күнүгэ биһиги оскуолабытыгар «Мин Горнай ыччатабын» Горнай улууһун үөрэнээччилэрин духуобунай-сиэр-майгы иитиитигэр Кэлим программаны олоххо киллэриини көрүү буолан ааста. Көрүү хамыыһыйатын бэрэссэдээтэлэ, РСФСР норуотун үөрэҕириитин туйгуна, Горнай улууһун Ытык сүбэтин чилиэнэ, ытыктыыр, убаастыыр, Тумус туттар киһибит Василий Игнатьевич Николаев уонна Горнай улууһун үөрэх управлениетын иитии салаатын начальнига Мария Александровна Магомедова кэлэн бардылар. Көрүү хас да көрүҥүнэн ыытыллар: 1. Үөрэнээччилэр ортолоругар хор ырыатын сөргүтэр, сайыннарар уонна тарҕатар сыаллаах хор көрүүтэ буолар. Оҕолор Бэрдьигэстээх гимнин «Дьикти кэрэ Бэрдьигэстээх» уонна «Доҕордоһуу» ырыатын толордулар. 2. Үөрэнээччилэр уус-уран литератураҕа интэриэстэрин үрдэтэр сыаллаах хоһоону дорҕоонноохтук өйтөн ааҕыы. Хоһоону уус-ураннык аахтылар: 3 кылаас үөрэнээччилэрэ Ковров Ньургун, Яковлев Ньургун, Яковлева Милана, Аввакумова Милана, Парфенов Эрчимэн, Захаров Марк, Афанасьев Стас, Винокурова Амелия 4 кылаастан – Крылатов Тимур, Максимов Саша 5 кылаастан – Андросова Виктория 6 кылаастан – Константинова Нарыйа 7 кылаастан – Васильев Иван, Аянитов Роман, Налесник Николай, Павлов Саян 8 кылаастан – Попов Дьулуур 10 кылаастан – Ноговицына Дайаана 3. Үһүс көрүҥүнэн Уһун суһуоҕу көрүү буолар. Уһун суһуох кыыс оҕо киэргэлэ, Василий Игнатьевич этэринии, куйаары кытта ситимэ. Оскуолабытыгар уопсай 93 уһун суһуохтаах кыыс баар. Олортон саамай уһун суһуохтаах кыыһынан ааттанна - 9 б кылаас үөрэнээччитэ Слепцова Розана, баттаҕын уһуна 120 см. 4. Төрдүс көрүҥүнэн Олоҥхо көрүҥэ буолар. Олонхо - саха норуотун тылынан уус-уран айымньытын саамай үрдүк чыпчаала, үйэттэн үйэлэр тухары көлүөнэттэн көлʏөнэҕэ бэриллэн испит дириҥ ис хоһоонноох айымньыта. Алын сүһүөх кылаастан олоҥхону толордо - Милана Яковлева – 3 а кылаас үөрэнээччитэ, 5-7 кылаастартан олоҥхону толордо – 6 «в» кылаас үөрэнээччитэ Мордовская Айылина – Куо, салайааччы Алексеева Дария Егоровна. Оҕолорбут сүдү талааннарыттан сөҕөбүт, инникитин ситиһиилэри баҕарабыт. 5. Бэһис көрүҥүнэн оһуокай толоруу буолар. Оһуохай — сахалар былыргы үҥкүүлэрэ. Сиэри-туому тутуһууну кытта ситимнээх. Былыргы сахалар аан дойдуну көрүүлэрэ бу үҥкүү хамсаныыларын нөҥүө биллэр. Алын сүһүөх оһуокайын таһаардылар: - Заровняев Айсен, 1 б кылаас үөрэнээччитэ - Максимова Таисия, 4 а кылаас үөрэнээччитэ Орто сүһүөх оһуокайын таһаардылар: - Андросова Виктория, 5 а кылаас үөрэнээччитэ - Григорьев Константин, 7 б кылаас үөрэнээччитэ - Күн Дьөһөй Мичийэ, 7 а кылаас үөрэнээччитэ Улахан кылаас оһуокайын таһаарда: - Антонова Эдита, 9 б кылаас үөрэнээччитэ Салайааччы: Алексеева Дария Егоровна Василий Игнатьевич 9, 10, 11 кылаас үөрэнээччилэригэр «Патриот диэн кимий?» диэн тиэмэҕэ сүрдээх дириҥ ис хоһоонноох кылаас чааһын ыытта. Маны таһынан, төрөппүтү кытта үлэни (Работа с родителями. Центр родительских инициатив), Аҕам саастаах дьоммутун кытта үлэни (Наша забота ветеранам), Медиа-центр үлэтин (Смотр школьных медиацентров), көрдүүр-ирдиир үлэни (исследовательская работа) көрдүлэр. 📝Ольга Алексеевна Пахомова, дириэктэри иитии үлэҕэ солбуйааччы, 📸хаартыскаҕа түһэрии - Карина Яковлева, 📹видеограф - Константин Капитонов