📚🔔Билии күнэ🔔📚 — 1 сентября 2026 г. в 12:12:27.711
📚🔔Билии күнэ🔔📚 Сэмэн Данилов аатынан кэккэ биридимиэттэри дириҥэтэн үөрэтэр Бэрдьигэстээх орто оскуолатыгар лыҥкынас чуораан тыаһа оҕо-аймаҕы, учууталлары, төрөппүттэри уонна ыҥырыылаах ыалдьыттары муста. Быйыл 64 оҕо аан маҥнай оскуола боруогун атыллаан киирдэ. Ааҕарга, суруйарга үөрэниэхпит, учууталларбыт тылларын истэн, дьоһун дьон буолуохпут диэн андаҕар тылларын эттилэр. Ыҥырыылаах ыалдьыттар улууспут баһылыга Н.В.Андреев, оскуолабыт бэтэрээн учуутала Л.Н.Андреева, үөрэҕирии салалтатын начальнигын солбуйааччы И.В.Заровняева эҕэрдэ тылларын эттилэр, баҕа санааларын анаатылар. Быйылгы үөрэх дьылыгар бары үөрэнээччилэргэ, учууталларга ситиһиилэри баҕарабыт!📚✨ #МинПросвещения #МинОбрНауки #Горныйулус #Үөрэх #БСОШ_СПДанилова #Сайдам_медиакиин #Кэскилмедиаоскуола