Бэҕэһээ, олунньу 16 күнүгэр Ил Дархан гранынан өйөммүт “Цифровые решения юных – сельск...
Бэҕэһээ, олунньу 16 күнүгэр Ил Дархан гранынан өйөммүт “Цифровые решения юных – сельскому хозяйству” бырайыак кыттыылаахтара Маҕараһынан, Дьокуускайынан үөрэтэр-билсэр сыаллаах экскурсияҕа баран кэллилэр. Ол курдук, Л.Н. Харитонов аатынан Маҕарас орто оскуолатын “Үөрэтэр мини-ферматыгар” сырыттылар. Оскуола дириэктэрэ М.В. Максимов кэпсииринэн, аныгылыы тутуулаах хотон былырыын үлэҕэ киирбит. Томскай уобаластан 13 айширскай боруодалаах, элбэх үүтү биэрэр ынахтары аҕалбыттар. Үүттэрин «Горный Ас» СХППК тэрилтэ атыыга таһааран, үлэ бара турар эбит. Салгыы оҕолору Арктикатааҕы судаарыстыбаннай технологическай университет преподавателлэрэ үөрэ-көтө көрсөн, үөрэнэр кыһаларын туһунан сиһилии кэпсээтилэр. Уолаттар ордук инженернэй факультет корпуһун кабинеттарын, тыа хаһаайыстыбатыгар туһаныллар бэйэлэрэ айан оҥорбут тэриллэрин кэрэхсээтилэр. Преподавателлэр уолаттары бэйэлэрин үрдүк үөрэхтэрин кыһатыгар кэлэн үөрэнэллэригэр ыҥырдылар.#ГрантыГлавыЯкутии