🔔🔔Балаҕан ыйын 1 күнүгэр оҕо-аймах мичээринэн, оҕо-саас күлүүтүнэн оскуолабыт аана нэ... — 1 сентября 2026 г. в 23:14:17.589
🔔🔔Балаҕан ыйын 1 күнүгэр оҕо-аймах мичээринэн, оҕо-саас күлүүтүнэн оскуолабыт аана нэлэччи арылынна. Үөрүүлээх тэрээһин дойдубут Өрөгөй ырыатынан саҕаланна. Быйылгы үөрэх дьылыгар 154 оҕо өссө биир үктэли дабайан таҕыстылар. Күн бүгүн 10 төгүл долгутуулаах саҥа оскуолаҕа киирэр оҕолорбутугар буолар, ол курдук, 1 кылааска барыта 11 оҕо киирдэ - 4 кыыс, 7 уол. Онтон кырачаан үөрэнээччилэрбитин үөрэх кыһатыгар угуйа, долгуйа көрүстэ маҥайгы учууталлара Жиркова Ирина Спиридоновна. Дьоһун, мааны күҥҥэ элбэх алгыс, эҕэрдэ тыллара ананна. Ол курдук, «Одуну нэһилиэгэ» тыа сирин түөлбэтин баһылыгын солбуйааччы Кривошапкин В.П. “Помоги пойти учиться” акция чэрчитинэн маҥнайгы кылаас оҕолоругар бэлэх уунна. Онтон 11 кылаас оҕолоро Бүтн Россиятааҕы “Самолетик пожеланий” акцияҕа кыттан баҕа санаалаах кумаахы самолеттары бэлэхтээн оҕолору үөртүлэр. Бу дьоһун күҥҥэ оскуолабытын 1979 выпускниктарын ааттарыттан Кобяков В.Р. 1 кылаас оҕолоругар ситиһиилээх үөрэҕи баҕаран туран үөрэххэ туттуллар маллары бэлэхтээтэ. Быйылгы үөрэх дьылыгар биһиги оскуолабытыгар 3 саҥа учуутал үлэлии, айа-тута кэллэ. Ол курдук, алын сүһүөх учуутала Яковлева О.М., география учуутала Макарцова А.Н, математика учуутала – Попова В.В. Бу курдук, чаҕылыйар күннээх үтүө күҥҥэ маҥнайгы чуораан тыаһа лыҥкынаата, бастакы уруокка угуйда. Балаҕан ыйын 1 күнүнэн – Билии күнүнэн өссө төгүл эҕэрдэлиибит! Оҕолорбутугар ситиһиилээх үөрэҕи, учууталларбытыгар айымньылаах үлэни, махталлаах төрөппүттэри баҕарабыт. Күүстээх дьон буоларга тардыһыҥ, күүһү билии, үөрэх биэрэрин умнумаҥ!💐💐💐💐