🌿🌿🌿Оҕо төрөөбүт дойдутугар, тулалыыр айылҕатыгар таптала уонна харыстабыллаах сыһыан...
🌿🌿🌿Оҕо төрөөбүт дойдутугар, тулалыыр айылҕатыгар таптала уонна харыстабыллаах сыһыана кыра эрдэҕиттэн иитиллэр. Бу дьиҥнээх патриотизм тыыннаах холобурун балаҕан ыйын 5 күнүгэр "Эколяталар" - А.Н. Осипов аатынан Бердьигэстээх орто оскуолатын 3 «А» кылааһын үөрэнээччилэрэ көрдөрдүлэр. «Бэрдигэстях күнүн» көрсө уонна «Үтүө дьыала» акция чэрчитинэн, Маатта өрүс кытылыгар экологическай ыраастааһыны тэрийдилэр. "Эколяталар" төрөппүттэрин кытта бэрчээккэлээх, бөх хомуйар кууллаах, үрэхпит кытылын пластиктан, өстүөкүлэттэн уонна кураанах салапаантан ыраастаан көхтөөхтүк түбүгүрдүлэр. Оҕолор бэйэлэрин актыыбынай үлэлэринэн тулалыыр эйгэни харыстааһын, кэрэ мааны Маатта үрэхпит кытылын ыраастык тутуу төһөлөөх улахан суолталааҕын чаҕылхайдык өйдөөтүлэр. Бу эдэр айылҕаны харыстааччылар кыһамньыларынан Маатта үрэхпит кытыла тута биллэрдик уларыйда уонна ырааһыран тупсан таҕыста. Кыра сааһыттан айылҕатын харыстыыр оҕо — дойдутун дьиҥнээх инники кэскилэ! Горнайдааҕы ойуур хаһаайыстыбатын коллектива "Эколяталарга" улахан махталбытын тиэрдэбит уонна биһиги эһигинэн киэн туттарбытын биллэрэбит.