Улуустааҕы "Ыллыах, кэрэни туойуох" дьиэ кэргэнинэн ырыа күрэҕэ үөрүүлээхтик түмүктэннэ
Улуустааҕы "Ыллыах, кэрэни туойуох" дьиэ кэргэнинэн ырыа күрэҕэ үөрүүлээхтик түмүктэннэ Алтынньы ый 21 күнүгэр, олус истиҥ уонна үөрүүлээх "Ыллыах, кэрэни туойуох" дьиэ кэргэнинэн ырыа күрэҕэ буолан ааста. Бу сэргэх тэрээһин ааптара Попова Ольга Егоровнаҕа "Одуванчик" о5о уһуйааныгар буолан ааста. Күрэх дьиэ кэргэн сыаннастарын бөҕөргөтүүгэ, саха ырыатын үйэтитиигэ улахан суолталаах тэрээһин буолла. Сахалыы тыыннаах ырыа-тойук алыптаах эйгэтинэн дьиэ кэргэттэр бэйэлэрин талааннарын көрдөрөн, көрөөччүлэри дьиҥнээх үөрүүгэ угуттаатылар. Күрэххэ түөрт талааннаах дьиэ кэргэн кыттыыны ылла: 1) Жирковтар дьиэ кэргэнэ Бэрдьигэстээх "Кырачаан ымыылар" оҕо уһуйаана: Эвелина ийэтинээн Александра Сергеевналыын, аҕатынаан Иван Ивановичтыын. Кинилэр дьиэ кэргэн сылаас сыһыанын, биир сомоҕо буолууларын ырыаларын нөҥүө тиэртилэр. 2) Константиновтар дьиэ кэргэнэ Бэрдьигэстээх "Кэнчээри" оҕо уһуйаана: Кэрэли убайынаан Арылханныын, ийэтинээн Александра Александровналыын, аҕатынаан Чаҕылҕан Петровичтыын. Кинилэр дьиэ кэргэн ураты дьүһүнүнэн, кэрэ куоластарынан көрөөччүлэр сүргэлэрин көтөхтүлэр. 3) Максимовтар дьиэ кэргэнэ Аһыма "Одуванчик" оҕо уһуйаана: Аслан убайдарынаан Саянныын, Арсенийдыын уонна эдьиийинээн Розалыын. Элбэх оҕолоох дьиэ кэргэн биир хабааннаах ырыалара ырыа түһүлгэтин толордо. 4) Ефремовтар дьиэ кэргэнэ Бэрдьигэстээх "Сардаана" оҕо уһуйаана: Алина ийэтинээн Кыдана Васильевналыын. Ийэ уонна оҕо тапталын, ырыаҕа ымсыырыыларын олус истиҥник биэристилэр. Кыттааччылар толорууларын дьүүллүүр сүбэ чилиэннэрэ сүрдээх ирдэбиллээхтик сыаналаатылар: - Попова Ольга Егоровна – "Одуванчик" уһуйаан бэтэрээнэ. - Баишева Дария Васильевна – Горнай улууһун үөрэх управлениетын сүрүн специалиһа. - Винокуров Айтал Николаевич – Кировскай нэһилиэгин сынньалаҥ киинин специалиһа. - Платонова Лукерья Васильевна – Кировскай орто оскуолатын нуучча тылын учуутала. - Кривошапкина Аина Васильевна – Кировскайдааҕы библиотека директора. Күрэх кыайыылаахтара маннык буоллулар: - Гран-При үрдүк аатын Жирковтар дьиэ кэргэнэ Бэрдьигэстээх "Кырачаан ымыылар" оҕо уһуйаана ылла! - I степеннээх лауреат уонна "Көрөөччү биһирэбилэ" номинация хаһаайыттарынан Константиновтар дьиэ кэргэнэ Бэрдьигэстээх "Кэнчээри" оҕо уһуйаана буоллулар. - II степеннээх лауреат аатын Ефремовтар дьиэ кэргэнэ Бэрдьигэстээх "Сардаана" оҕо уһуйаана сүктэ. - III степеннээх лауреат уонна "Күрэх ааптарын анал номинацията" хаһаайыттарынан Максимовтар дьиэ кэргэнэ Аһыма "Одуванчик" оҕо уһуйаана буоллулар. "Одуванчик" оҕо уһуйааныгар, Ольга Егоровнаҕа истиҥ махталбытын тиэрдэбит! Үрдүк ситиһиилэри ылбыт кыайыылаахтарбытыгар, муҥутуур кыайыыны ылбыт «Кырачаан ымыылар» оҕо уһуйаанын иитиллээччитигэр Жиркова Эвелинаны уонна кини төрөппүттэригэр Александра Сергеевнаны, Иван Ивановичы, "Бастын салайааччы" анал аат иҥэрилибит Василина Васильевнаны, Марианна Николаевнаны эҕэрдэлиибит! Кинилэр ситиһиилэрэ — биһиги уһуйааммыт улахан киэн туттуута буолар. Инникитин даҕаны маннык сырдык, кэрэни туойар, дьиэ кэргэн үгэһин уонна сыаннастарын көҕүлүүр күрэхтэр ыытылла турдуннар!