Күрэх кыайыылаахтарыгар аналлаах "Россия норуотун сомоҕолоһуулара" диэн ааттаах образов...
Күрэх кыайыылаахтарыгар аналлаах "Россия норуотун сомоҕолоһуулара" диэн ааттаах образовательнай тур РРЦ "Юные Якутяне" тэрийбит "Наследники Победы Победителям" күрэх кыайыылаахтара Саха сириттэн барыта 27 оҕо алтынньы ый 16 күнүттэн 20 күнүгэр диэри дойдубут биир кэрэ куоратыгар Санкт-Петербурга "Россия норуотун сомоҕолоһуулара" диэн ааттаах образовательнай турга сылдьабыт. Бастакы күммүт туһунан кылгастык билиһиннэриэм. Санкт-Петербурга кэлэн "Москва" диэн гостиницаҕа тохтообуппут. Күҥҥэ 3-тэ аһаталлар эбит. Сарсыарда тото аһаан баран 9 чааска военно-морской музей имени Петра Великого сылдьыбыппыт. Онно араас байыаннай муораҕа сыһыаннаах экспонаттары, хараабыллары корбуппут. Уолаттар астына, дуоһуйа байыаннай сэрии сэбин көрөн сөхпүппүт. Бириэмэбит ыгым буолан 12 чаастан этнографическай музейга сылдьыбыппыт. Бу музейга бэйэбит Сахабыт норуотун туһунан көрөн-истэн тахсыбыппыт. Гидпыт бэйэбититтэн сахалар тустарынан, кинилэр олохторун-дьаһахтарын чуолкайдаан ыйыталаспыта наһаа үчүгэй этэ. Салгыы гостиницабытыгар баран иьэн историябыт учууталын сорудаҕын толорон Петр 1 памятнигын корон хаартыскаҕа түһэн ааспыппыт. Ол кэнниттэн гостиницабытыгар эбиэттээбиппит. Салгыы "Россия - моя история" диэн интерактивнай музейга сылдьыбыппыт. Манна Россия араас кэмин историятын харахпытыгар бу баардыы көрбүппүт. Эдэр баҕайы элэккэй гидтаах этибит. Россияҕа олохтоох омуктар концертара буола турар этэ. Онтон салгыы сынньалаҥ кэммитигэр "Галерея" диэн торговай центрга метронан баран кэлбиппит. Аан бастакыбытын метроҕа сылдьыбыппыт. Киһи кулгааҕа чуҥкунуур сир анныгар дириҥҥэ киирэн айанныыр бэйэтэ туһунан дьикти эбит. Уһун унньуктаах айан кэнниттэн бастакы күммүт маннык түмүктэммитэ. Филиппов Олимпий. 10 кылаас. В. Д. Лонгинов аатынан Атамай орто оскуолата. Горнай улууһа.