Үөһээ Бүлүү улууһун үөрэҕин салалтата, педагогическай общественноһа улууспут биир киэн ... — 29 июля 2026 г. в 05:11:43.366
Үөһээ Бүлүү улууһун үөрэҕин салалтата, педагогическай общественноһа улууспут биир киэн туттар туйгун категориялаах алын сүһүөх кылаас методист учуутала, Николай Золотарев аатынан Боотулуу орто оскуолатын бэтэрээн учуутала, ытыктыыр коллегабыт, Саха республикатын үөрэҕириитин туйгуна, Учууталларын учуутала, үөрэҕин тиһигин Бочуоттаах бэтэрээнэ, Үөһээ Бүлүү улууһун бочуоттаах учуутала, Боотулуу нэһилиэгэ МТ бочуоттаах олохтооҕо, улахан дьиэ кэргэн күн күбэй Ийэтэ, элбэх сиэн тапталлаах Эбээтэ Анисимова Элеонора Семёновна уһун ыарахан ыарыыттан орто дойду олоҕуттан барбытыттан улаханнык курутуйан туран, оҕолоругар, сиэннэригэр, хос сиэннэригэр, бииргэ төрөөбүттэригэр, бары аймахтарыгар, коллегаларыгар дириҥ кутурҕаммытын биллэрэбит. Элеонора Семёновна улууска методист учуутал быһыытынан киэн билиилээх, үөрэнээччилэрин, төрөппүттэрин, коллегаларын ортотугар дириҥ ытыктабылынан ахтыллар сырдык, үтүө санаалаах атас- доҕор, үлэһит быһыытынан сыаналанар. Элеонора Семёновна олоххо кэрэни кэрэхсиир, бэйэтин тула үтүө санааны үөскэтэр дьикти ураты талааннааҕа. Сынньалаҥҥа тахсан баран бар дьонугар анаан анабыл хоһоонноро, айымньылара ураты миэстэни ылар. Кини төрөппүт оҕолорун, сиэннэрин, хос сиэннэрин олоххо сэмэй ситиһиилэриттэн толору дьоллоох этэ. Бу орто дойдуга сэмэйдик уонна дьоллоохтук олорон ааспыт олоҕун - оҕолоро, сиэннэрэ, хос сиэннэрэ салгыыллар. Ытыктыыр киһибит Элеонора Семёновна, быдан дьылларга быраһаай. Бу орто дойдуҥ олоҕор үлэ, улахан дьиэ кэргэн дьолун булбут тапталлаах Боотулууҥ сирэ - буора Эйиэхэ сымнаҕас үллүк буоллун, уһун уугар оҕолоруҥ, дьонуҥ -сэргэҥ, коллегаларыҥ, доҕотторуҥ кыһамньытынан санаа хоту уоскулаҥнык айаннаа, Эн үтүө аатыҥ үйэлэргэ умнуллубат. Үөһээ Бүлүү улууһун үөрэҕин салалтата.