Кылгас да буоллар, олус таһаарыылаах олоҕор сүүстэн тахса кэпсээни, үс сэһэни, элбэх др... — 31 июля 2026 г. в 01:01:55.455
Кылгас да буоллар, олус таһаарыылаах олоҕор сүүстэн тахса кэпсээни, үс сэһэни, элбэх драманы уонна ситэриллэ илик "Олох долгуннара" диэн үйэлээх романы суруйан хаалларбыт, саха биллиилээх суруйааччыта, прозаига уонна драматурга "Саха литературатын хагдарыйбат лабаата" - Афанасий Игнатьевич Федоров төрөөбүтэ 100 сылын, үбүлүөйдээх күнүн көрсө – от ыйын 30 күнүгэр, "По родному краю.." литретрит дьоһуннаахтык буолла. Быстыспат көлүөнэни ситимниир туристический литературнай айаны биһиги улууска аан бастакытын 1966 сыллаахха, туризм куруһуогун төрүттээбит Ороһу аҕыс кылаастаах оскуолатын география учуутала - Иванов Иван Максимович көҕүлээһининэн ыытыллыбыт эбит. Бу тэрээһини эрдэттэн толкуйдаан өйүн- санаатын, сүрэҕин-дууһатын ууран туран тэрийдэ Ороһу орто оскуолатын нуучча тылын учуутала - Васильева Сардана Николаевна. Тэрийээччилэр махталбытын биллэрэбит: Ороһутааҕы К. С. Чиряев аатынан норуот педагогикатын үлэһиттэригэр - Федора Алексеевнаҕа, Раиса Алексеевнаҕа, ытыктыыр ветеран учууталларбытыгар- Иванова Ираида Михайловнаҕа, Иванова Светлана Ивановнаҕа, Тамалакаан нэһилиэгин баһылыгын солбуйааччытыгар - Федоров Михаил Харлампьевичка, улуус баһылыгын солбуйааччытыгар - Трофимов Игнат Владимировичка, Улуустааҕы үөрэх салалтатын информационно-методический отдел салайааччытыгар Иванова Мичилийэ Святославовнаҕа. «Олох долгуннара» ромаҥҥа ойууламмыт түгэннэри, хас биирдии суруллубут дьоруойдарын ымпыктаан-чымпыктаан ырыппыт, дьиҥ олоҕу историческай өттүнэн тэҥнээн ырыппыт, сорох дьоруойдарын хасыһан булан, бэл, төрүччүлэрин оҥорбут- Саввинова Уруйдаана Юрьевнаҕа, Россия суруйааччыларын сойууһун чилиэнэ, Үөһээ Бүлүүтээҕи норуот айымньытын киинин исписэлииһигэр - Васильев Николай Васильевич-Харыйалаах Уолугар, Тамалакаан оскуолатын библиотекарыгар- Трофимова Анастасия Васильевнаҕа, Ороһу нэһилиэгин библиотекарыгар-Жанна Семеновнаҕа, хас биирдии түгэни барытын хаартыскаҕа түһэрэн үйэтитэр- Алексеева Анастасия Юрьевнаҕа, Сокольникова Мария Святославовнаҕа, Үөһээ Бүлүүтээҕи этнографическай түмэл, Исиидэр Бараахап аатынан түмэл үлэһиттэригэр: Копыленко Светлана Даниловнаҕа, Семенова Евдокия Павловнаҕа, Трофимов Егор Ивановичка, суруйааччы аймахтарыгар. 🌿🌿🌿🌿🌿🌿🌿🌿🌿🌿 "По родному краю" литературнай туристическай ретрит айана Афанасий Федоров Ороһу оскуолатыгар үөрэммит паартатын аттыгар хаартыскаҕа түһүүттэн саҕаланна, салгыы Ороһу - Кустук - Хомустаах - Орто күөл - Талыгыр - Ыанньыкай - Харчымах - Талыгыр - Орто күөл сирдэринэн айаннаан, Тамалакаан орто оскуолатыгар түмүктэннэ. Бу айаҥҥа сылдьыбыт оҕолор, эдэр ыччаттар К.С.Чиряев уонна А.И.Федоров бииргэ үөрэммиттэрин туһунан Ф.А.Васильева кэпсээнин иһиттилэр, И.М.Иванов альбомун туһунан хос сиэнэ суруйбут дакылаатын билсиһэн сэһэргээтилэр. Тэрээһиҥҥэ 60 сыл анараа өттүгэр альбом оҥоһуллуутун бастакы кыттыылаахтара хайдах ханан сылдьыбыттарын туһунан кэпсээтилэр, көрдөрдүлэр. «Олох долгуннара» ромаҥҥа суруллубут дьон (прототиптарын) дьиҥ олохторо хайдаҕын билсистилэр, ромаҥҥа ойууламмыт сирдэри көрдүлэр. Үөһээ Бүлүү улууһугар төрөөн-үөскээн, айан-тутан, үлэлээн-хамсаан ааспыт үтүөкэн дьоммут ааттара-суоллара үйэттэн үйэҕэ умнуллубаттык ахтылла, ааттана уонна суон сураҕыра турдуннар! Кинилэр сырдык ааттара кэлэр кэнчээри ыччакка холобур буоллун, айар куттара куруук уостубатын!