Убаастабыллаах Валентин Михайлович, — 22 августа 2026 г. в 04:33:09.573
Убаастабыллаах Валентин Михайлович, Үөһээ Бүлүү улууһун үөрэҕин салалтата, педагогическай общественноһа улууспут биир киэн туттар Учууталын, РФ уопсай үөрэхтээһинин Бочуоттаах үлэһитин, СР үөрэҕириитин туйгунун, үөрэҕин ситимин Бочуоттаах бэтэрээнин, Үөһээ Бүлүү улууһун Бочуоттаах Учууталын, “Мэйик нэһилиэгэ” МТ Бочуоттаах олохтооҕун, Мэйик нэһилиэгин сүрүн оскуолатын алын сүһүөх кылаастарга бэтэрээн учууталын, улахан дьиэ кэргэн тапталлаах Аҕатын, Эһээтин 75 сааскын туолар үөрүүлээх күҥҥүнэн истиҥник эҕэрдэлиибит! Ытыктабыллаах Валентин Михайлович, Эн Мэйик нэһилиэгин ыччата үөрэх - билии аартыгар бигэтик тахсарыгар кыһамньыгын, билиигин ууран үлэлээбиккин, улууска үөрэхтээһин сайдыытын историятыгар бэйэҥ сэмэй кылааккын киллэрбиккин улуус педагогическай общественноһа астынан туран бэлиэтиир! Мэйигиҥ оскуолатыгар 42 сыл учууталынан үлэлээн, үгүс көлүөнэ үөрэнээччилэр махталларын ылаҕын. Үтүө мааны майгыгынан, дьоһуннаах үлэҕинэн нэһилиэк дьонун–сэргэтин, үөрэх эйгэтин үлэһиттэрин убаастабылын, нэһилиэнньэ ортотугар ытыктабылы ыларгынан киэн туттабыт! Бу үөрүүлээх күҥҥэ баҕарабыт үтүө доруобуйаны, дьиэ кэргэҥҥэр уйгулаах байылыат олоҕу, үлэҕэ баай уоппуккунан биир идэлээхтэргэр сүбэ-соргу, олоххо муҥура суох тапталгынан сирдии-такайа сылдьаргар. Күндү киһибитигэр баҕарабыт үлэттэн, олохтон дьолу булбут иккис дойдуҥ Мэйигиҥ мүөттээх салгына өрүү үрдүккэ, кэрэҕэ угуттуу турдун, дьонуҥ – сэргэҥ, тапталлаах кэргэниҥ Валентина Васильевна, оҕолоруҥ, сиэннэриҥ махталыгар, тапталыгар угуттанан, уһуннук дьоллоохтук олор диэн алгыс тылбытын аныыбыт! "Үөһээ Бүлүү улууһа" МО үөрэҕин салалтата.