Алтынньы 14 күнүгэр – Саха сирин былааҕын күнүн бэлиэтиибит.
Алтынньы 14 күнүгэр – Саха сирин былааҕын күнүн бэлиэтиибит. Үөһээ Бүлүүтээҕи “Тускул” оҕо киинин иһинэн үлэлиир “Оҕо саас сирдьиттэрэ” федеральнай бырайыак чэрчитинэн биир кэлим тэрээһин улуус оскуолаларын оҕолоругар анаан “Мин дойдум, мин республикам” диэн квест оонньуу ыытылынна. Саха Өрөспүүбүлүкэтин Государственнай былааҕа 1992 сыллаахха алтынньы 14 күнүгэр Саха Өрөспүүбүлүкэтин Үрдүкү Сэбиэтин (Верховнай Сэбиэт) 15 сессиятыгар ылыныллыбыт уонна бигэргэтиллибит. Арассыыйа геральдическай регистарыгар 183-с нүөмэринэн киирбит. Бу тэрээһин хас биирдии оҕо төрөөбүт дойдутун историятын, былааҕын ис суолтатын, тутулун билиэхтээх уонна киэн туттуохтаах диэн сыаллаах ыытылынна. И.Н.Бараахап аатынан Үөһээ Бүлүүтээҕи №1-дээх орто оскуолаттан, М.Т.Егоров аатынан №2-дээх орто оскуолаттан, М.А.Алексеев аатынан республиканскай лицей интернаттан, Д.С.Спиридонов аатынан улуустааҕы гимназияттан, Ю.Н.прокопьев аатынан спортивнай орто оскуолаттан барыта 137 оҕо кыттыны ылла. Оҕолор, Саха сирин былааҕын туһунан эрэ буолбакка, Сахабыт сирин киэҥ историятын директор сүбэһиттэрэ бэлэмнээбит квест оонньууларын нөҥүө 5 станцияны аастылар, элбэҕи билэн-көрөн, төрөөбүт дойдуларынан киэҥ туттан тарҕастылар.