Үөһээ Бүлүү улууһун үөрэҕин салалтата, педагогическай общественноһа, Саха сирин биллиил...
Үөһээ Бүлүү улууһун үөрэҕин салалтата, педагогическай общественноһа, Саха сирин биллиилээх государственнай уонна общественнай деятелэ, СР бастакы Президенэ М. Е. Николаев чугас соратнига, педагогическай наука кандидата, “Хотугу сулус” орден кавалера, норуот хаһаайыстыбатын үтүөлээх үлэһитэ, 12-с ыҥырыылаах Саха АССР үрдүкү Сэбиэтин депутата, республика үөрэҕин ситимин сайдыытыгар, чуолаан региоҥҥа олохтоох үрдүк таһымнаах каадырдары бэлэмнээһиҥҥэ улахан кылаатын киллэрсибит Матвей Васильевич Мучин алтынньы 28 күнүгэр ыарахан ыарыыттан 86 сааһыгар олохтон туораабытынан, дириҥ кутурҕанын тириэрдэр. Матвей Васильевич 1992-2002 сылларга СР правительствотын уонна Республика Президенын иһинэн кадрдары бэлэмнээһиҥҥэ, прогнозтааһыҥҥа уонна аттаран туруорууга департаменын салайбыта. Республика ыччатын Россия, тас дойду үрдүк үөрэҕин тэрилтэлэригэр бары усулуобуйаны тэрийэн, үөрэнэллэригэр, сайдалларыгар кыах биэрбит ытык киһинэн буолар. Матвей Васильевич 1941 сыллаахха Мэҥэ Хаҥалас оройуонун Сымах нэһилиэгэр 1941 сыллаахха олунньу ый 11 күнүгэр төрөөбүтэ. Магаданнааҕы пединституту, СГУ тыа хаһаайыстыбатын институтун, Хабаровскайдааҕы үрдүкү партийнай оскуоланы бүтэрбитэ. 1999 сылтан СР правительствотын председателин солбуйааччынан, кэлин Санкт-Петербурга Саха сирин бастайааннай бэрэстэбиитэлин дуоһунаһыгар үлэлээбитэ. Кини үлэлиирин тухары Сахатын сирин ыччата үөрэҕи баһылаан, төрөөбүт дойдутун чэчирии сайыннарыыга бигэ туруктаах, үрдүк билиилээх буолуутугар бары күүһүн, сатабылын ууран үлэлээбитэ. Улуустааҕы үөрэх салалтата, педагогическай общественноһа Матвей Васильевич дьиэ кэргэнигэр, тапталлаах кэргэнэ Елена Дмитриевнаҕа, оҕолоругар, сиэннэригэр, бары аймахтарыгар дириҥ кутурҕанын тириэрдэр. Матвей Васильевич үгүс көлүөнэ ыччакка, Саха сирин олохтоохторугар үтүө аата умнуллубат, үйэлэргэ ааттана туруо. “Үөһээ Бүлүү улууһа” МО үөрэҕин салалтатын начальнига, Леонид Огочонов.