Саха сиригэр 11 саҥа сөмөлүөт – өрөспүүбүлүкэ авиациятын сайдыытыгар саҥа кэрдиис — 5 июня 2026 г. в 06:04:11.508
Саха сиригэр 11 саҥа сөмөлүөт – өрөспүүбүлүкэ авиациятын сайдыытыгар саҥа кэрдиис Петербургтааҕы норуоттар икки ардыларынааҕы экономическай форумҥа Саха сирин авиациятын сайдыытын туһунан «Объединённая авиастроительная корпорация» тэрилтэни кытта сөбүлэҥ түһэрсилиннэ. Сөбүлэҥ иитинэн «Якутия» авиахампаанньаҕа Ту-214 уонна SJ-100 көтөр ааллар бэриллиэхтэрэ. Сөмөлүөттэри 2027 сыл иккис аҥарыгар аҕалан саҕалыахтара уонна 2030 сылга диэри салҕаныаҕа. Өрөспүүбүлүкэтээҕи авиахампаанньа көтөр аалларын хабааннаах саҥардыы саҕаланыыта буолар. «Саха сиригэр авиация сүрүн тырааныспар систиэмэтэ буолар. Кини стратегическай суолталаах быһаарыылары ирдиир. Биһиги авиацияны сайыннардахпытына көтөр логистиканы тупсарыахпыт уонна Арктика оройуоннарыгар, Уһук Илиҥҥэ сырыыны элбэтиэхпит», – диэн Ил Дархан Айсен Николаев эттэ.