✅Саха сирэ Кыргызстаны кытта бииргэ үлэлэһиэҕэ — 5 июня 2026 г. в 06:30:09.159
✅Саха сирэ Кыргызстаны кытта бииргэ үлэлэһиэҕэ Саха Өрөспүүбүлүкэтин уонна Кыргызстан миниистирдэрин кэбиниэттэрин кытта бииргэ үлэлэһии туһунан сөбүлэҥ түһэрсилиннэ. Бу туһунан Саха сирин Ил Дархана Айсен Николаев Макс ханаалыгар иһитиннэрдэ. ПМЭФ-2026 форумҥа СӨ Ил Дархан Айсен Николаев Кыргызстан бырабыыталыстыбатын бэрэссэдээтэлин 1-кы солбуйааччы Данияр Амангельдиевы кытта оробуочай көрсүһүүнү ыытта. Көрсүһүү түмүгэр өрөспүүбүлүкэлэр ортолоругар бииргэ үлэлэһэр сөбүлэҥҥэ илии баттаммыта. «Биһиги сыһыаммытын, үлэбитин тэтимнээхтик кэҥэтэбит. Атыы-эргиэн эргиирэ улаатар, урбаанньыттар икки ардыларыгар сибээс бөҕөргүүр, бииргэ үлэлээһиҥҥэ саҥа кыахтар үөскүүллэр. Саха сирэ Кыргызстан көмөтүнэн тыа хаһаайыстыбатын сайыннарар уонна оҕуруот аһын бородууксуйатын хааччыйыыны кэҥэтэр, инвестиционнай уонна дьыалабыай сибээһи тупсарар, бэйэ-бэйэҕэ туһалаах көҕүлээһиннэри олоххо киллэрэр. Маны сэргэ биһиги спорка уонна култуураҕа болҕомтону уурдубут. Илии баттаммыт дуогабар биһиги доҕордоһуу сыһыаммытын, бииргэ үлэлээһиммитин салгыы бөҕөргөтөрбүтүгэр бигэ тирэх буолуоҕар эрэллээхпин», — диэн Ил Дархан Макска суруйар.