Горнайга дьоһун тэрээһин ыытылынна — 1 июня 2026 г. в 22:40:46.320
Горнайга дьоһун тэрээһин ыытылынна Үйэлээх норуот духуобунаһын күүһүрдэр Олоҥхо түһүлгэтигэр тоҕус нэһилиэк сэргэтэ алгысчыт Алгыстаан Дуруһаал алгыһынан арыалланан турдулар. Маалтааныттан төрүттээх, олоҥхоһут Савва Максимов-Чоокуур Сааба ыччаттара Россия Президенин култуурунай көҕүлээһиннэрин өйүүр фондаларын Гранын ылан, инникилээх үлэни норуот култууратыгар уонна Горнай улууһа 95 сылыгар анаатылар. Бу бырайыак чэрчитинэн, ыһыаҕы көрсөр күҥҥэ «Олоҥхоһут сиэнинээн» диэн Куорунай олоҥхоһуттарыгар аналлаах бэлиэ арыллара былааннанар. Сэргэлэри 3 Горнай улууһун маастара сиэри-туому барытын тутуһан, өр сылларга турарын гына аныгы ньымалары туһанан туттулар. Олоҥхо түһүлгэтигэр тоҕус нэһилиэк сэргэтэ алгысчыт Алгыстаан Дуруһаал алгыһынан арыалланан улахан тэрээһин үрдүк таһымнаахтык ыытылынна.