«Оҕо саас кустуга» Сунтаарга — 1 июня 2026 г. в 22:43:49.317
«Оҕо саас кустуга» Сунтаарга Хас сылын ахсын Оҕо көмүскэлин күнүгэр «Оҕо саас кустуга» диэн бырааһынньык Сунтаарга өрө күүрүүлээхтик, үрдүк таһымнаахтык ыытыллара үтүө үгэскэ кубулуйда. Бу күн Н.М. Родионова аатынан Сунтаардааҕы оҕо дьоҕурун сайыннарар киин Норуоттар сомоҕолоһууларын сылынан «Ааһан иһэн амсайан аас: Россия норуоттарын куукуната» диэн араас аһы, бүлүүдэни амсатар былаһаакканы төрүттээтилэр. Эдэр баһаатайдар көмөлөрүнэн кэлбит ыалдьыттар 1-6 диэри сыыппараттан ким ханныгы талан ылбытынан ол остуолга тиийэн амтаннаах аһы амсайдылар. Тото-хана аһаабыт, бүлүүдэ арааһын амсайбыт дьон салгыы улахан куукулалары кытта оонньоотулар, хаартыскаҕа хатаннылар, өркөн өйү, тобуллаҕас толкуйу сытыылаан дуобаттаата, саахыматтаата. Уолаттар компьютернай оонньууга күрэхтэстилэр диэн Айна Яковлева сырдатар.