Ытык Күөл оҕолоро туомтуу баайарга үөрэннилэр — 3 июня 2026 г. в 08:16:15.476
Ытык Күөл оҕолоро туомтуу баайарга үөрэннилэр «Сарыал» култуура киинэ уонна «Тааттадальнобой» түмсүү сүбэлэрин холбоон оҕолорго ыҥырыы таһаарбыттар. Оҕолор биирдэ туомтуу баайан көрдөрдөхтөрүнэ мороженай ылаллар диэн буолбут. Үөрэтэр видео уһуллан социальнай ситиминэн тарҕаммыт. Тэрээһин «Дьулуруйар Ньургун Боотур» стадиоҥҥа буолла. 100 оҕо туомтуу баайан көрдөрөн 100 мороженай түҥэтилиннэ. Сорох оҕолор дьиэлэригэр үөрэнэн кэлбиттэр, сорохтор миэстэтигэр кэлэн үөрэннилэр. Оҕолор түҥ былыргы өбүгэлэрбититтэн кэлбит сатабылы баһылаан мороженайынан күндүлэнэн үөрүүлэрэ үрдээтэ. Улахан дьон эмиэ туора турбата. Мороженайа да суох туомтуу баайарга үөрэннэ. Тэрийээччилэр бу бырайыагы эһиил сайын эмиэ хатылыырга сүбэлэстилэр.