👍🏻Горнайга уу ситимин тардыыта саҕаланна — 18 июня 2026 г. в 23:44:52.423
👍🏻Горнайга уу ситимин тардыыта саҕаланна Горнай улууһун Бэрдьигэстээҕэр чааһынай учаастактарга сайыҥҥы да, кыһыҥҥы да уу ситимэ суоҕа. Онон сүрүн боппуруоһунан уунан хааччыллыы буолара. Бу күннэргэ нэһилиэк биир улахан Эбэ түөлбэтигэр уу ситимин тардыыта саҕаланна. Үлэни «Саха АТ» тэрилтэ ыытар. Уу ситимэ Северная, Дьячковская, Жиркова, Вилюйская уулуссаларынан барыахтаах. Бүгүҥҥү күҥҥэ магистральнай полиэтиленовай турба Жиркова уулуссатыгар ууруллар. Күн бүгүн олохтоохтор биир кууб ууну 1000-1500 солк куттарар буоллахтарына, уу ситимэ үлэҕэ киирдэҕинэ бу сыана лаппа намтыыр. Былырыын «Олорор дьиэ уонна куорат эйгэтэ» регионнааҕы бырагыраама, «Ыраас уу» бырайыак чэрчитинэн ууну ыраастыыр ыстаансыйа үлэҕэ киириитэ сүрүн олук буолла. Магистрал ууруутун үлэтэ 6300 миэтэрэ устаҕа ыытыллыахтаах. Уопсайа 137 ыал уу ситимигэр холобонор кыахтанар. Нэһилиэккэ бу тыын кыһалҕа быһаарыллара, дьиэ кэргэн олоҕун-дьаһаҕын сайыннарыыга олус көмөлөөх буолуоҕа.