🪖Мэҥэ Хаҥалас далбар хотуттара СВО-ҕа көмөлөрө тохтоло суох барар — 18 июня 2026 г. в 20:08:28.012
🪖Мэҥэ Хаҥалас далбар хотуттара СВО-ҕа көмөлөрө тохтоло суох барар Өрөспүүбүлүкэтээҕи «Илии сылааһа» уопсастыбаннай түмсүү Мэҥэ Хаҥалас улууһугар уопсайа 3 филиаллаах. Майаҕа, Төҥүлүгэ уонна Араҥас нэһилиэгэр баар. Тарат бөһүөлэгэр Лена Цыпандина салайааччылаах «Хотууна» түмсүү тэриллибитэ 2 буолла, байыастарга байыаннай таҥастары тигэн күүс-көмө буолан бэйэлэрин сэмэй кылааттарын киллэрэллэр. Олохтоох далбар хотуттар үксүлэрэ үлэлэриттэн быыс булан түмсэн, саба түһэн иистэнэн сакаастарын, былааннарын толорон иһэллэр. Биир дойдулаахтарын көмөлөрүнэн иистэнэллэригэр анаан 2 промышленнай массыына уонна оверлок атыылаһаннар, үлэлииллэригэр усулуобуйалара тупсубут. Кыракый бөһүөлэк олохтоохторо туора турбаккалар, бэйэлэринэн холобур буоланнар, тыылга кыайыыны уһансаннар, сэмэй кылааттарын киллэрсэннэр, үөрүйэҕи сатабылы кытары дьүөрэлээннэр үлэлии-хамсыы сылдьаллар.