Айсен Николаевы ОГМВ тэриллии президиумугар салайааччынан таллылар — 26 июня 2026 г. в 02:15:23.317
Айсен Николаевы ОГМВ тэриллии президиумугар салайааччынан таллылар Саха сирин Ил Дархана Айсен Николаев «Объединенные города и местные власти» (ОГМВ) аан дойдутааҕы тэриллии президиумун биэс салайааччыларыттан биирдэстэрэ буолла. Кинини Мароккоҕа буолбут конгресс кэмигэр таллылар. ОГМВ 140 дойду 240 тыһ. тахса регионун уонна мегаполиһын түмэр. «Араас континеннар куораттарын мээрдэрин өйөбүллэринэн конгресска миигин ОГМВ тэриллии президиумугар салайааччынан таллылар. Бу аан дойдуга муниципальнай уонна региональнай хамсааһыҥҥа Россия оруолун күүһүрдэргэ төһүү уонна миэхэ улахан эппиэтинэс буолар», — диэн Айсен Николаев Макска суруйда. Ил Дархан Айсен Николаев Казань баһылыга Ильсур Метшин салайааччылаах «ОГМВ Евразии» норуоттар икки ардыларынааҕы ассоциацията ОГМВ тэриллиигэ Россия оруолун инники күөҥҥэ таһаарыыга улахан кылааты киллэрбитин бэлиэтээтэ.