Ил Дархан Айсен Сергеевич уонна кини холооннох доҕоро Людмила Валерьевна ыһыахха кэтэр ... — 26 июня 2026 г. в 03:14:23.755
Ил Дархан Айсен Сергеевич уонна кини холооннох доҕоро Людмила Валерьевна ыһыахха кэтэр таҥастарын быһыытын-таһаатын эдэр талааннаах модельер Петр Винокуров айан-тутан таһаарда. Норуот бас-көс дьонун сахалыы таҥаһын киччэллээхтик тигиллибит сиигэ, оһуора, киэргэлэ харыстыыр-көмүскүүр суолталаах. Хас биирдии сахалыы таҥас, киэргэл суолталаах буолуохтаах. Билиҥҥи кэмҥэ төрүт үгэһи тутуһан аныгы кэм ирдэбилин кытта дьүөрэлээн араастаан мандардаан айан-тутан таһаарыахха сөп. Дьокуускайдааҕы ойуулуур-дьүһүннүүр училище выпускниктара саха төрүт киэргэлин сөргүтүүгэ археологтары кытта ыкса күүстээх үлэни ыыталлар. Кэнники сылларга сүрүннээн алтан киэргэл оҥоруутунан дьарыктаналлар. Людмила Николаева ыһыахха анаан үлэспит алтан киэргэлин училищены бүтэрбит ювелир-маастардар оҥордулар.