Сунтаар саҥа лиссиэйигэр 100 мас олортулар — 25 июня 2026 г. в 06:00:11.659
Сунтаар саҥа лиссиэйигэр 100 мас олортулар Оскуоланы түмүктээччилэр эксээмэннэрэ бүтэн банкеттарын көһүтэллэр. Ол иннинэ Сунтаардааҕы лиссиэй оҕолоро бу күһүн киириэхтээх саҥа лиссиэйдэригэр бэйэлэрин туһунан үтүө өйдөбүл хаалларар сыаллаах мас олортулар. Аэропорт карьерыгар үүммүт хатыҥчааннар сарбыллыахтарын оннугар хата үөрэх кыһатын киэргэтиэхтэрэ. Ити курдук 9 уонна 11 кылаастар түмсэн лиссиэйгэ киин уулуссаттан киириигэ бэлэмнэммит сэлэҕэ уопсайа 100 хатыҥы олортулар. Оҕолор үлэнү үмүрүтээт дириэктэрдэрин Олег Сосины батыһан саҥа лиссиэйи кэрэхсии кэрийэн көрдүлэр. Манна өссө да күүстээх үлэ бара турар.
442 просмотров