📺🏹💪🏻Дыгын оонньуулара «Саха» НКИХ ханаалларыгар быһа эпииргэ көстүөҕэ — 25 июня 2026 г. в 05:28:23.981
📺🏹💪🏻Дыгын оонньуулара «Саха» НКИХ ханаалларыгар быһа эпииргэ көстүөҕэ «Саха» национальнай көрдөрөр-иһитиннэрэр хампаанньа үгэс быһыытынан бэс ыйын 27-28 күннэригэр Дыгын оонньууларын быһа эпииргэ көрдөрүөҕэ. Дыгын оонньууларын быйылгы быһа эпиирэ икки тылынан тэҥинэн барыаҕа. Ол курдук, сахалыы тылынан таһаарыы уонна «Мамонт» ханаалга тахсыаҕа, оттон нууччалыы тыллаах көрөөччүгэ анаан «Якутия 24» үлэлиэҕэ. Аны туран араадьыйаҕа Дыгын оонньууларын «Тэтим» долгунугар истиэххит. «Саха» НКИХ ханаалыгар комментаторынан Александр Посельскай (сахалыы) буолуоҕа, оттон «Якутия 24» ханаалга Степан Посельскай (нууччалыы) үлэлиэҕэ, «Тэтим» араадьыйаҕа Николай Бястинов (сахалыы) сырдатыаҕа. Маны таһынан быһа эпиир «Саха» НКИХ мобильнай сыһыарыытыгар, nvk-online.ru саайтка уонна «ВКонтакте» социальнай ситимҥэ «Кыах» диэн бөлөххө тахсыаҕа. Бэс ыйын 27 күнүгэр Үс Хатыҥтан быһа холбонуу 15.00 чаастан саҕаланыаҕа, оттон бэс ыйын 28 күнүгэр – 12.00 чаастан.