Икки оройуоҥҥа ойуур баһаардарынан уустук балаһыанньа үөскээтэ — 25 июня 2026 г. в 03:19:52.643
Икки оройуоҥҥа ойуур баһаардарынан уустук балаһыанньа үөскээтэ Нүөрүҥгүрү уонна Лиэнскэй оройуоннарыгар ойуур баһаардарынан уустук балаһыанньа үөскээбитинэн эбии күүһү ыыталлар. Бу туһунан бүгүн брифиҥҥэ СӨ экологияҕа миниистири солбуйааччы Андрей Коноплев иһитиннэрдэ. «Бүгүҥҥү күҥҥэ уустук балаһыанньа Нүөрүҥгүрүгэ уонна Лиэнскэйгэ бэлиэтэнэр. Эбии күүһү ыытарга үлэ барар», — диэтэ кини. Нүөрүҥгүрү оройуонугар «Авиалесоохрана» 93 үлэһитэ тиийдэ. Лиэнскэй оройуонугар 58 киһини ыытаары сылдьаллар («Авиалесоохранаттан» 35 киһи, «Якутлесресурстан» 23 киһи). Нүөрүҥгүрү оройуонугар уустук балаһыанньанан сибээстээн муниципальнай таһымнаах ЧС эрэһиимин олохтууру быһаараллар. Билигин баһаарынайдартан 50%-на уоту умуруорууга үлэлиир. Ааспыт сууккаҕа Саха сиригэр эбии 45 га иэннээх 4 ойуур баһаара умуруорулунна. Баһаардары Томпо, Өлүөхүмэ, Нүөрүҥгүрү оройуоннарыгар умуруордулар. Бүгүн сарсыарда өрөспүүбүлүкэ үрдүнэн 1 939 га иэннээх ойуур баһаара Лиэнскэй, Мииринэй, Мэҥэ Хаҥалас, Нүөрүҥгүрү оройуоннарыгар умайар. Үлэҕэ 123 киһи уонна 8 тиэхиньикэ кыттар. Үөһэттэн кэтээн көрүүгэ 19 көтөр аал үлэлиир.