🔸«КүнЭко» научнай-чинчийэр экологическай эспэдииссийэ үлэтэ тэтимирэр — 1 августа 2026 г. в 01:22:00.690
🔸«КүнЭко» научнай-чинчийэр экологическай эспэдииссийэ үлэтэ тэтимирэр Үөрэнээччилэргэ «Сир уустара» оҕо киинигэр «КүнЭко» өрөспүүбүлүкэтээҕи научнай-чинчийэр экологическай эспэдииссийэ үлэтин тэтимнээхтик ыытар. Хас сарсыарда аайы үөрэнээччилэр эти-сиини чэбдигирдэр процедураларын ыллылар да баҕалаах хайысхаларынан Кэмпэндээйи бэс чагдатын иһинэн элэс гынан хаалаллар. Бүгүн «Эдэр экологтар» бөлөхтөрүгэр Бүлүүчээнтэн Алеся, Кэмпэндээйиттэн Айсен, Сунтаартан Алина сиргэ сылдьан отунан-маһынан уонна күнүнэн хайысханы сөпкө быһаарарга, компаһы уонна электроннай навигаторы сатаан туттарга үөрэннилэр. Ону таһынан, күнү-дьылы кэтииргэ туттуллар бэлиэлэри билсэннэр, күннэтэ дневник толоруу ис кистэлэҥнэрин ДБР ураты харыстанар сирдэр госинспектордара Николай Герасимов уонна Андрей Яковлев-Чуос эдэр экологтарга быһааран кэпсээтилэр. Таарыйа Егор Гаврильевич Спиридонов аатынан Тымтайдаах культурнай сынньалаҥ пааркатыгар сылдьан, Николай Герасимов олохтоох ааптар Кэмпэдээйи туһунан ырыатын холбоон иһитиннэрдэ уонна сынньалаҥ пааркаҕа кэккэлэһэ үүммүт хатыҥ, бэс, харыйа, тиит мастар таайыллыбатах таабырыҥнарын сэһэргээтэ.