Үөһээ Дьааҥы улууһун Боронук сэлиэнньэтигэр быыһааччылар дьону уонна сүөһүнү эвакуациял... — 31 июля 2026 г. в 11:55:01.104
Үөһээ Дьааҥы улууһун Боронук сэлиэнньэтигэр быыһааччылар дьону уонна сүөһүнү эвакуациялыыллар От ыйын 31 күнүн күнүс 16:00 чаастааҕы туругунан Үөһээ Дьааҥы улууһун Боронук сэлиэнньэтигэр Дьааҥы өрүскэ уу таһыма 1 058 см тэҥнэспит (кутталлаах кирбии — 970 см). Ардах халаана сэлиэнньэ инфраструктуратыгар охсууну оҥордо: 51 тиэргэн уонна 49 олорор дьиэ ууга барда, ону тэҥэ икки социальнай инфраструктура эбийиэгин тиэргэннэрэ – култуура киинэ уонна уһуйаан. Быстах кэмҥэ олордор пууҥҥа 9 киһи баар. Бүгүн олохтоохтору Баатаҕай бөһүөлэгэр эвакуациялыыр былааннаахтар. Миэстэтигэр СӨ Быыһыыр сулууспатын түөрт быыһааччыта үлэлиир. «Сарсыарда аҕыс чаастан инбэлииттэри оҥочонон быстах кэмҥэ олордор пууҥҥа эвакуациялыыбыт. Ону тэҥэ 104 төбө сүөһүнү үрдүк сирдэргэ үүрбүппүт. Олохтоохторго аадырыстарынан көмөлөһөбүт, сэлиэнньэ дьаһалтатыгар ГСМ (уматык-арыы) тастыбыт. Маны таһынан, бүгүн кэлбит гуманитарнай көмөнү сүөкээтибит уонна аадырыстарынан тарҕаттыбыт», — диэн бөлөх старшайа Сергей Кривошапкин эттэ. Хаартыска: СӨ Быыһыыр сулууспата