📦🌊Үөһээ Дьааҥы улууһугар 26 туоннаттан тахса гуманитарнай көмөнү тиэртилэр — 7 августа 2026 г. в 12:45:23.221
📦🌊Үөһээ Дьааҥы улууһугар 26 туоннаттан тахса гуманитарнай көмөнү тиэртилэр Ардах халааныттан эмсэҕэлээбит Үөһээ Дьааҥы улууһугар 26 туоннаттан тахса гуманитарнай көмөнү тиэрдилиннэ. Манна иһэр уу, бородуукталар, мал-сал, таҥастар, мотопомпалар, электрогенератордар бааллар. Бу туһунан брифиҥҥэ СӨ гражданскай көмүскэл миниистирэ Дмитрий Лепчиков иһитиннэрдэ. Өрөспүүбүлүкэ үрдүнэн сайыҥҥы халаантан улаханнык эмсэҕэлээбит Үөһээ Дьааҥы улууһа буолар. Аҕыс нэһилиэнньэлээх пуун ууга барбыта. Билиҥҥи кэмҥэ кинилэр бары ууттан босхолонон тураллар, айылҕа иэдээниттэн тахсыбыт содулу туоратыыга үлэ барар. «Дьокуускай куорат чэбдигирдэр лааҕырдарыгар ууга барбыт сирдэртэн 64 оҕону илдьибиттэрэ», — диэн Дмитрий Лепчиков бэлиэтээтэ. Дмитрий Лепчиков этэринэн, Саха сиригэр халаан балаһыанньата биллэ тупсубут. Ууга былдьана сылдьыбыт нэһилиэнньэлээх пууннар бары ууттан босхолоннулар. Өлүөнэ, Индигиир, Бүлүү, Дьааҥы өрүстэргэ уу таһыма кутталлаах кирбииттэн түспүт.