Дьокуускай уонна кэккэ оройуоннар буруонан бүрүллэн тураллар — 29 августа 2026 г. в 02:58:15.780
Дьокуускай уонна кэккэ оройуоннар буруонан бүрүллэн тураллар Бүгүн космостан кэтээн көрүү түмүгүнэн Дьокуускай куорат уонна сорох оройуоннар Красноярскай кыраай, Саха сирин ойуур баһаардарын хойуу буруотунан бүрүллэн турар. Өрөспүүбүлүкэ соҕуруу оройуоннара билигин буруота суохтар. Күнү-дьылы кэтээн көрөр сулууспа билгэлииринэн, өрөбүллэргэ күн-дьыл туруга күүскэ уларыйара күүтүллүбэт. Дьокуускайга уонна арҕаа улуустарга өрөбүллэр устата буруолаах буолуо. Өскөтүн тыал хайысхата уларыйдаҕына буруо түргэнник сүтүөҕэ. Красноярскай кыраайга, Саха сирин чугас сытар сирдэригэр 173 ойуур баһаара умайар. Уустук балаһыанньа Эвенкийскэй, Туруханскай, Таймырскай, Долгано-Ненецкэй, Енисейскэй, Богучанскай уокуруктарга бэлиэтэнэр. Региоҥҥа ойуур баһаардарынан ЧС эрэһиимэ үлэлиир. Бүгүн сарсыарда Ньурба, Мииринэй, Үөһээ Бүлүү, Кэбээйи, Хаҥалас оройуоннарыгар ойуур баһаардарын умуруораллар. Уопсайа 185334 га иэннээх хонтуруолланар сиргэ ойуур бааһардара умайаллар.