📥📑Мэҥэ Хаҥаласка учаастактааҕы быыбардыыр хамыыһыйа чилиэттэрин үөрэттилэр — 8 сентября 2026 г. в 03:27:26.228
📥📑Мэҥэ Хаҥаласка учаастактааҕы быыбардыыр хамыыһыйа чилиэттэрин үөрэттилэр Мэҥэ Хаҥалас улууһугар буолаары турар быыбардарга анаан учаастактааҕы быыбардыыр хамыыһыйа чилиэннэригэр үөрэтэр семинары тэрийдилэр. Территориятааҕы быыбардыыр хамыыһыйа 2030 сылга диэри саҥа сатаабынан талыллан үлэтин от ыйыттан саҕалаабыта. Улууска уопсайа 34 учаастактааҕы быыбардыыр хамыыһыйаҕа 229 чилиэн үлэлиир. Семинарга УИК-тар бэрэссэдээтэллэригэр уонна сэкирэтээрдэригэр докумуоннары хайдах толорууттан саҕалаан, үлэ хаамыытын ымпыгын барытын үөрэтэн, көрдөрөн билиһиннэрдилэр. Быйылгы быыбар сүрүн уратыларын кэпсээн сырдаттылар. Мэҥэ Хаҥалас улууһа Саха сирин биир киин улууһа буоларынан быыбардааччытын ахсаана сыллата элбии турар. Ол курдук, бу сыл от ыйын маҥнайгы күнүнээҕи отчуотунан быыбардааччы ахсаана 25 тыһыынча 322 киһиэхэ тэҥнэһэр диэн Теериториятааҕы быыбар хамыыһыйатын бэрэссэдээтэлэ Ирина Назарова иһитиннэрдэ.