📚🗣️Бүгүн – Россия норуоттарын тылларын күнэ — 8 сентября 2026 г. в 01:21:33.149
📚🗣️Бүгүн – Россия норуоттарын тылларын күнэ Владимир Путин 2025 сыл бэс ыйын 5 күнүгэр Россия норуоттарын тылларын уонна нуучча тылын өйөөһүҥҥэ судаарыстыбаннай бэлиитикэни олоххо киллэриигэ Сэбиэт мунньаҕар дойду норуоттарын тылларын күнүн олохтуурга этии көтөхпүтэ. Итини тэҥэ, судаарыстыба баһылыга РФ норуоттарын тылларын харыстааһын уонна салгыы сайыннарыы суолтатын, тыллары судаарыстыба өттүттэн тэтимнээхтик өйөөһүн уонна дойду уопсай тыл эйгэтин харыстыыр суолталааҕын өйдөппүтэ. «Дойдубут национальнай баайа уонна история-култуурунай нэһилиэстибэтэ буолар Россия бары норуоттарын тылларын уонна тыл эгэлгэтин харыстыырга, өйүүргэ эбии усулуобуйаны тэрийиэххэ наада», – диэн Россия бэрэсидьиэнэ Владимир Путин эппитэ. Бу бырааһынньык сылын аайы балаҕан ыйын 8 күнүгэр, бэйиэт Расул Гамзатов төрөөбүт күнүгэр, бэлиэтэнэр буолбута.