🤧 Саха сиригэр нэдиэлэ устата ОРВИ-нан ыалдьыы ахсаана икки төгүл улааппыт — 15 сентября 2026 г. в 03:40:07.084
🤧 Саха сиригэр нэдиэлэ устата ОРВИ-нан ыалдьыы ахсаана икки төгүл улааппыт Балаҕан ыйын 7-13 күннэригэр медицинскэй көмөнөн 7200 тахса киһи туһаммыт. Мантан 61%-на 14-гэр диэри саастаах оҕолор. Лабораторнай кэтээн көрүү түмүгүнэн, 74%-тан тахса түбэлтэ риновирус буолара бэлиэтэнэр. ОРВИ-нан ыалдьыы ахсаана улааппыта салгын температурата намтаабытын уонна сайыҥҥы сынньалаҥ, уоппуска кэнниттэн кэллэктииптэргэ вирус атастаһыытын кытта сибээстээх. СӨ Доруобуйа харыстабылын министиэристибэтэ сэрэтэр миэрэлэри санатар: 3 «Р» — мыыланан илиигитин сууна сылдьыҥ, респираторнай гигиенаны тутуһуҥ, ыарыы сибикитэ баар буоллаҕына дьиэҕэ олоруҥ уонна бырааһы ыҥырыҥ. 3 «П» — дьиэни салгылатар буолуҥ, элбэх дьонноох сирдэргэ сылдьаргытын аҕыйатыҥ, грипп утары быһыынны туруортарыҥ.