Балаҕан ыйын 17 күнүттэн Дьокуускайга оскуола оҕолоро дистанционнай үөрэххэ көһөллөр — 16 сентября 2026 г. в 04:11:37.744
Балаҕан ыйын 17 күнүттэн Дьокуускайга оскуола оҕолоро дистанционнай үөрэххэ көһөллөр Өрөспүүбүлүкэ киин куоратыгар быыбардыыр учаастактар тэриллибит оскуолалар дистанционнай үөрэххэ көһөллөр. Бу туһунан куорат үөрэҕин управлениетыгар иһитиннэрдилэр. «СӨ үөрэх министиэристибэтин бирикээһигэр олоҕуран быыбар ыытыллар оскуолалара дистанционнай үөрэххэ көһөллөр», — диэн управлениеҕа эттилэр. Оскуолаларга быыбардыыр учаастактары бэлэмниир туһуттан 1-11 кылаас үөрэнээччилэрэ чэппиэртэн, балаҕан ыйын 17 күнүттэн, дьиэттэн үөрэнэн саҕалыахтара. Судаарыстыбаннай Дуума депутаттарын быыбара үс күн ыытыллар: балаҕан ыйын 18-20 күннэрэ.
481 просмотров