Саха сирин психологтара балаҕан ыйыгар СВО кыттыылаахтарыгар уонна кинилэр дьиэ кэргэтт... — 2 октября 2026 г. в 11:20:01.192
Саха сирин психологтара балаҕан ыйыгар СВО кыттыылаахтарыгар уонна кинилэр дьиэ кэргэттэригэр 900-тэн тахса консультацияны ыыттылар 2026 сыл балаҕан ыйыгар Дьокуускайдааҕы өрөспүүбүлүкэтээҕи психологическай киин исписэлиистэрэ анал байыаннай дьайыы кыттыылаахтарыгар уонна кинилэр дьиэ кэргэттэригэр 900-тэн тахса биирдиилээн уонна бөлөҕүнэн дьарыгы ыыттылар. Психологическай көмөнү өрөспүүбүлүкэҕэ уонна Ростов-на-Дону госпиталыгар 800 кэриҥэ киһи ылла. Бу туһунан брифиҥҥэ киин дириэктэрэ Владимир Скрябин иһитиннэрдэ. «Киин бэйэтин уонна үгүс улуустардааҕы салааларыгар анал байыаннай дьайыы кыттыылаахтарын дьиэ кэргэттэригэр аналлаах бөлөҕүнэн дьарыктар ыытыллаллар. Бу көрсүһүүлэр харыстабыллаах уонна өйүүр эйгэни тэрийиигэ туһаайыллаллар. Манна кыттыылаахтар бэйэлэрин тус уопуттарын көҥүл үллэстэр, идэтийбит психологическай көмөнү ылар, бэйэ-бэйэни өйөһөр сатабыллары сайыннарар уонна биир санаалаахтар истэригэр ис туругу бөҕөргөтөр кыахтаналлар», – диэн Владимир Скрябин кэпсээтэ. https://nvk-online.ru/saha-sirin-psihologtara-bala-an-yjygar-svo-kyttyylaahtarygar-uonna-kiniler-die-kergetteriger-900-ten-tahsa-konsultatsiyany-yyttylar/