🌧🧊Сэрэниҥ - Дьокуускайга халтараан!
🌧🧊Сэрэниҥ - Дьокуускайга халтараан! Бүгүн куораппытыгар хаардаах, муустаах суоллар, тротуардар. Маннык күннэргэ бэйэбитин хайдах харыстанабыт? Суоппардар сайыҥҥыы шиналарын кыһыҥҥыга уларыталлара туһааннаах. Оттон сатыы сылдьааччылар хайдах харыстанабыт? Сөптөөх атах таҥаһа - куттал суох буолуутун төрдө. Рельефтээх, халтарыйбат уллуҥнаах бачыыҥкалары талыҥ. Хобулуктартан, ньалҕаархай эрэһиинэттэн аккаастанар ордук. Өскөтүн оннук суох буоллаҕына, көннөрү атах таҥаһын анныгар быстах кэмҥэ пластырь сыһыарыахха эбэтэр анал накладкалары (ледоступалары) туһаныахха сөп. Аргаайдык, ыксаабакка хаамабыт. Мууска пингвин курдук хаамыҥ, тобуккутун кыратык токурутан, кыра-кыра хардыынан, атаххытын сиртэн араарбакка. Илиигин босхо тутун. Икки илиигин сиэпкэр уктан баран хаамыма, халтархай кэмҥэ илиигэр ыарахан суумкалары, пакеттары тутума. Киһи илиилэрэ босхо сырыттахтарына охтор түгэҥҥэ хомулларга ордук. Атаҕын аннын көрүнэн хаам уонна маршруткун эрдэттэн былааннаа. Күлүктээх сирдэргэ, тохтобулларга уонна быһа охсуһууларга болҕомтоҕутун ууруҥ, онно муус түргэнник үөскүүр уонна уһуннук сытар. Хараҥа кэмҥэ таһырдьа сылдьартан туттуна сатаа. Оҕуннаххына ыарыыта күүстээх буоллаҕына суһал көмөҕө эрийэр, биллэрэр, тиийэр ордук.