Сорох категориялаах гражданнар наадалаах эми-тому ылаллар
Сорох категориялаах гражданнар наадалаах эми-тому ылаллар Өрөспүүбүлүкэҕэ льготалаах эмтэри атыылаһыы кээмэйин намтатар былааннаммат диэн Ил Дархан Айсен Николаев «Прямой разговор» биэриигэ иһитиннэрдэ. Бу хайысханы үбүлээһин ааспыт сыллааҕы кээмэйтэн икки төгүл улаатта. «Эминэн-томунан хааччыйыыга уларыйыы суох. Дьон-сэргэ доруобуйатын бөҕөргөтүүгэ судаарыстыба биир тутаах өҥөтө», — диэн Айсен Николаев бэлиэтээтэ. Ыскылаакка баар саппаастан эми-тому тиэрдии тохтоло суох барар. Олоххо тыын суолтаах эмтэр сыл бүтүөр диэри толору бааллар, ол иһигэр сахарнай диабеттаах ыарыһахтарга инсулин, ону тэҥэ онкологическай, ревматологическай уонна пульмонологическай ыарыылары эмтиир эмтэр. Өскөтүн эми-тому тиэрдиигэ хаалыы баар буоллаҕына СӨ доруобуйатын харыстабылын министиэристибэтин уонна «Сахафармация» АУо кытта боппуруос быһаарыллар. Хаартыска: sakha.gov.ru