«Саха» НКИХ «Омоон суоллар. Искупление» киинэтэ «ТЭФИ-Регион» таҕыста👏
«Саха» НКИХ «Омоон суоллар. Искупление» киинэтэ «ТЭФИ-Регион» таҕыста👏 «Саха» национальнай көрдөрөр-иһитиннэрэр хампаанньа сахалыы сериалларын сулууспата уһулбут «Омоон суоллар. Искупление» киинэтэ XXV бүтүн россиятааҕы «ТЭФИ-Регион» телевизионнай куонкурус финалыгар таҕыста. Ону тэҥэ финалга, «Игровой фильм/сериал» анал аакка, «Тюменское время» уһулбут «Вахта памяти» уонна калугатааҕы «Ники ТВ» «Останься. Детство» хартыыналара киирдилэр. Киинэ «Омоон суоллар» сериал салгыыта буолар. Туруорааччы режиссер — Радомир Томскай, сценарий ааптара — Октябрина Шестакова. Хартыына сүрүн дьоруойа — оперуполномоченнай Ньургун Васильев, оруолу Ньургун Черов толордо. Тайҕаҕа тахсыбыт өлөрүү силиэстийэтэ дьоруойу ыарахан балаһыанньаҕа киллэрэр: сокуон буукубатын тутуһар эбэтэр киһи сиэринэн аһыныгас буолар. «ТЭФИ-Регион» кыайыылаахтарын Ярославьлга наҕараадалыахтара. Ярославль куоракка сэтинньи 17–20 күннэригэр куонкурус түмүктүүр тэрээһиннэрэ буолуохтара. Лауреаттарга скульптор Эрнст Неизвестнай боруонсаттан оҥорбут «Орфей» статуэткаларын туттарыахтара. Киинэ сэтинньи 19 күнүгэр өрөспүүбүлүкэ киинэ тыйаатырдарыгар сүрэхтэниэҕэ. Санатарбыт курдук, «Саха» НКИХ «ТЭФИ-Региоҥҥа» номнуо иккитэ кыайан туран: 2024 сылга — «Харчы. Иэстэбил» («Возмездие») киинэ, оттон 2025 сылга — «Уот Дьулустаан» сериал.