Үүнэр көлүөнэ тыйаатырын уопсай дьиэтин олохтоохторо саҥа кыбартыыраларын күлүүстэрин ы...
Үүнэр көлүөнэ тыйаатырын уопсай дьиэтин олохтоохторо саҥа кыбартыыраларын күлүүстэрин ылыахтара Дьокуускай куорат «Звезднай» түөлбэтигэр Үүнэр көлүөнэ тыйаатырын хаарбах туруктаах дьиэтин олохтоохторун кытта көрсүһүү буолла. Манна СӨ Култуура уонна духуобунай сайдыы министиэристибэтин үлэһиттэрэ, ону тэҥэ «Өрөспүүбүлүкэтээҕи ипотека ааҕыныстыбата» АУо КУо кытыннылар. Сүрүн ырытыы тиэмэтинэн саҥа дьиэҕэ кыбартыыралары үллэрии буолла. Бу бырацесс бүтэр уһугар кэлбит, сотору кэминэн саҥа олохтоохтор күүтүүлээх күлүүстэри тутуохтара. Саҥа кыбартыыраларга сэттэ ыал көһөн киириэҕэ. Кинилэртэн үгүстэригэр бу сыллар тухары быһаарыллыбатах олорор усулуобуйаларын тупсарыы, олохторугар кэтэһиилээх кэрдиис кэм саҕаланыыта буолуоҕа. Олорохтоохтору саҥа дьиэҕэ көһөрүү үлэтэ Ил Дархан Айсен Николаев уонна СӨ Бырабыыталыстыбатын өйөбүллэринэн көхтөөхтүк ыытылынна. Көрсүһүү кэмигэр олохтоохтор көһүү болдьоҕун уонна бэрээдэгин туһунан ыйытыыларыгар сиһилии хоруйдары ыллылар. Күлүүстэри туттарыы сотору кэминэн ыытыллыа диэн күүтүллэр. Хаартыска: СӨ Култуураҕа министиэристибэтин пресс-сулууспата