🇷🇺Александр Находкин: Россия Дьоруойа ааты сүгүү – үрдүк чиэс
🇷🇺Александр Находкин: Россия Дьоруойа ааты сүгүү – үрдүк чиэс Бэҕэһээ дойду бэрэсидьиэнин ыйааҕынан СВО кэмигэр хорсун быһыыларын иһин Россия Дьоруойун аатын Александр Находкиҥҥа иҥэрбиттэрэ. Үрдүк судаарыстыбаннай наҕараадаҕа тиксибит СВО бэтэрээнэ Ил Дархан Айсен Николаевка, дьиэ кэргэнигэр махтанар. «Аҕыйах хонуктааҕыта Айсен Сергеевич РФ Дьоруойа үрдүк ааты иҥэрбиттэрин, ыйаахха илии баттаммытын, наҕараада хаһан туттарылларын туһунан эрийэн биллэрбитэ. Наҕараадалааһын сиэрэ-туома сабыылаах көрүҥүнэн ыытылынна. Дьон ахсаана аҕыйах этэ. Хата олор истэригэр Айсен Николаев күннээҕи үлэтиттэн бириэмэ булан, тэрээһиҥҥэ сылдьыбытыттан олус үөрдүм. Баҕа санаабын толордум, күүс-көмө буолбут чугас дьоммор, чуолаан кэргэммэр махтанабын. Байыаннай дьайыыга сүрэҕим этиитинэн барбытым. Дойдуга уустук кэмҥэ көмө-тирэх буолар эбээһинэстээхпин диэн толкуйдаабытым. Россия Дьоруойа ааты сүгүү – үрдүк чиэс. Салгыы эйэлээх олоххо үөрэнэн, үлэлиэм. Байыаннай дьайыыга уолаттарбыт Кыайыы туһугар чиэстээхтик киирсэллэрин туһугар кинилэр дьиэ кэргэттэригэр күүс-көмө буолуохпут», – диэн Александр Находкин кэпсээтэ.