«Якутия» авиахампаанньа Дьокуускай – Уус Ньара хайысханан рейстэри сөргүттэ
«Якутия» авиахампаанньа Дьокуускай – Уус Ньара хайысханан рейстэри сөргүттэ «Якутия» авиахампаанньа Дьокуускай – Уус Ньара хайысханан көтүүлэри чөлүгэр түһэрдэ. 2026 сыл күһүҥҥү-кыһыҥҥы кэмигэр билиэттэр атыыга таҕыстылар. Бу олохтоох аэродром көтөр-түһэр балаһатыгар (ВПП) чөлүгэр түһэрэр үлэ толору комплекса түмүктэммитин кэнниттэн кыалынна. ВПП бүрүөһүнүн итэҕэстэрин туоратыы үлэлэрэ балаҕан ыйын 25 күнүгэр түмүктэннилэр. Тэрээһиннэр кэннилэриттэн аэропорт инфраструктурата нуормаҕа эппиэттиир турукка киирдэ уонна сөмөлүөттэри куттала суох ыларга бэлэм буолла, ол иһигэр Bombardier Dash 8 Q300 сөмөлүөттэри. Уус Ньараны кытта тырааныспар сибээһин чөлүгэр түһэрии туһунан ыйытыы соторутааҕыта Ил Дархан Айсен Николаевтыын быһа кэпсэтии кэмигэр киирбитэ. Санатар буоллахха, куруутун оҥоһуллар көтүүлэр Федеральнай авиационнай быраабылаларга олоҕуран балаҕан ыйын 1 күнүттэн быстах кэмҥэ тохтотуллубуттара. Бу дьаһал намыһах двигателлээх сөмөлүөттэри туһаныыга балаһа бүрүөһүнүн суһаллык өрөмүөннүүр наадаттан көтүү куттала суох буоларын хааччыйар сыалтан ылыллыбыта. Хаартыска: Майя Дмитриева/«Якутия 24» https://nvk-online.ru/yakutiya-aviahampaanna-dokuuskaj-uus-nara-hajyshanan-rejsteri-s-rg-tte/