Амма улууһугар 2,5 тыһыынча туоннаттан тахса хортуоппуйу уонна оҕуруот аһын хомуйдулар
Амма улууһугар 2,5 тыһыынча туоннаттан тахса хортуоппуйу уонна оҕуруот аһын хомуйдулар Ил Дархан Айсен Николаев тыа хаһаайыстыбатын-агробырамыысыланнай комплекс боппуруостарыгар ыыппыт мунньаҕар Амма улууһун баһылыга Степан Кузьмин улуус аграрийдара 2 109 туонна хортуоппуйу уонна 481 туонна оҕуруот аһын хомуйбуттарын туһунан иһитиннэрдэ. Былаан 100% туолла. «Амма улууһугар хортуоппуйга 170,5 гектар, оҕуруот култууратын ыһыыга 20,2 гектар сир бэриллибитэ», — диэн Степан Кузьмин эттэ. Санатар буоллахха, быйыл Саха сиригэр хортуоппуйу 6 тыһыынча гектар иэннээх сиртэн хомуйдулар — уопсай хомуур 70,5 тыһыынча туонна буолла эбэтэр былаан 100% туолла. Оҕуруот аһын 28 тыһыынча туоннаны (былаан 100%) хомуйдулар: 20 тыһыынча туонна — аһаҕас буорга, 8 тыһыынча туонна — сабыылаах сиргэ үүннэриллибит бородууксуйа. Хаартыска: «Амма олоҕо»